| | 留言人: 黎俊光
主題: :re:re:re:re:re:re:re:re:re:晚飯
留言日期: 8/13/2005 10:40:00 PM
夫子宜效陽明先生「知行合一」，成乎？
回上頁 | 主頁 | 搜尋
留言人: 老細
主題: re:re:re:re:re:re:re:re:re:re:re:re:re:re:re:re:晚飯
留言日期: 8/13/2005 8:19:00 AM
語已多， 行未了， 夫子上網會幾時， 我們等得心急了！
回上頁 | 主頁 | 搜尋
留言人: Miss Chan
主題: re:re:re:re:re:re:re:re:re:re:re:re:re:re:re:晚飯
留言日期: 8/13/2005 12:53:00 AM
一於咁話啦！
Miss Chan
回上頁 | 主頁 | 搜尋
留言人: 老馮
主題: re:re:re:re:re:re:re:re:re:re:re:re:re:re:晚飯
留言日期: 8/12/2005 11:19:00 PM
Miss Chan,多謝妳拔刀相助.我地做學生嘅,好難迫亞夫子學上網.妳就唔同啦. 一於由Miss Chan加埋陳副校開硬功,我地就喺隔離起哄,嚟個內外夾攻.怕者夫子都做梗網上老大啦.預祝我地地成功,先飲(可樂)為敬.
不肖學生
錦禮
回上頁 | 主頁 | 搜尋
留言人: Miss Chan
主題: re:re:re:re:re:re:re:re:re:re:re:re:re:晚飯
留言日期: 8/12/2005 9:38:00 PM
這麼多人為夫子費神張羅，夫子都應該無理由推辭，一於將他迫上梁山，日日學上網交功課，做其加國老大。
Miss Chan
回上頁 | 主頁 | 搜尋
留言人: 吳基鵬
主題: re:re:re:re:re:re:re:re:re:re:re:re:晚飯
留言日期: 8/12/2005 2:22:00 PM
雖然係兄弟，但你又唔係做新郎哥，我點同你撐喎？睇黎你都係要食（飲）自己啦！
剛接德基兄電話，佢話買手寫板同技術支援都有困難。我都唔好意思，擺咗佢上枱。而家惟有自己上啦。其實夫子有部乜電腦我都未知，有冇上網亦唔知，可能真係要同佢全副重新武裝都唔定。睇黎你要帶部notebook返黎至掂啦！
回上頁 | 主頁 | 搜尋
留言人: 老馮
主題: re:re:re:re:re:re:re:re:re:re:re:晚飯
留言日期: 8/12/2005 9:41:00 AM
鵬兄果然胆量驚人,咁都嚇你唔到.小第正在苦練[貞子]神功,一旦滿師,自當搵鵬少切磋.溫哥華市場先消化小第御駕親征嘅消息,多倫多都仲未知,抄作趁其時啦,老友.鵬兄話各位師兄都係人肉酒桶,呢次弊弊都無咁弊,事關為第出名[千杯不飲,一杯即醉],到時可唔可以你地飲XO,我飲可樂,你地飲紅酒,我飲[利賓納]呢?一場同學,鵬少無理由唔同我撐架.至多買多兩塊手寫板做手信啦.
回上頁 | 主頁 | 搜尋
留言人: 吳基鵬
主題: re:re:re:re:re:re:re:re:re:re:晚飯
留言日期: 8/12/2005 2:50:00 AM
哦！你只不過係嚟拍門啫！我平生不作虧心事，咁又有幾高驚嚇度呀？我重以為你讀讀吓新聞會喺個電視機度扒出嚟添！大駕光臨嘅消息，德基兄已經講咗，而且經市場消化，再唔會引起乜嘢波動。總之到時小人會靜候一旁，恭迎大駕就是。只係想勸你先練練酒量，一班師兄都係人肉酒桶，千杯不醉，唔容易應付架！
回上頁 | 主頁 | 搜尋
留言人: 老馮
主題: re:re:re:re:re:re:re:re:re:晚飯
留言日期: 8/11/2005 10:12:00 AM
鵬兄,小第雖然不材,不過就仍然守規矩.次次都係單打獨鬥.但係,你又提醒我可以揾錦儀幫手.少年時代鵬兄出名[理科王子].我地啲一介波牛,你嗤之以鼻啦.世界真係妙,幾十年後,我地班老鬼竟然互通魚雁(好肉麻),都算不枉此生.仲有一個震撼消息,鵬少企定啦.就係..........為第同埋細佬,會喺十月尾殺到溫哥華.鵬少千祈唔好借頭借路閃咗去.德基兄尋晚打電話比我,話咗比我聽你住喺邊處.哈,哈,到時有人拍門你就.......(下回分解)
回上頁 | 主頁 | 搜尋
留言人: 陳明生
主題: re:手寫扳中文輸入法
留言日期: 8/11/2005 6:09:00 AM
偉聰：
謝謝你的問候。我會和你通電郵。
明生
回上頁 | 主頁 | 搜尋
留言人: Ng Wai Chung 吳偉聰
主題: 手寫扳中文輸入法
留言日期: 8/11/2005 2:23:00 AM
陳明生老師，很久沒見了，祝安好！
wc.ng@i-cable.com
852-92686308
回上頁 | 主頁 | 搜尋
留言人: 吳基鵬
主題: re:re:re:re:re:re:re:re:晚飯
留言日期: 8/11/2005 12:59:00 AM
講真，廾幾三十年前我地真係冇乜兩句。你習文，我學理，你好動，我則愛靜，互不相干。估唔到而家會o係呢個虛擬世界度拳來腳往，重有o既係唔知出招o既係阿哥定細佬。真係好Matrix feel呀？
你兩兄弟齊玩移形換影，我雙拳難敵四手，認輸啦！為及天下蒼生，手寫板我出啦。好彩我呢度o既夜市都有「步步高」賣。你都係陪曾特首食雲吞麵好過啦！
德基兄：幫幫手，幾時行過夜市，幫我買塊手寫板送俾陳老師個孫做玩具。至於技術支援，梗係德基兄你兩位UBC工程系既公子啦！
回上頁 | 主頁 | 搜尋
留言人: 老馮
主題: re:re:re:re:re:re:re:晚飯
留言日期: 8/10/2005 9:50:00 AM
小鵬真利害,一招[沾衣十八跌],唔止卸晒仲擺埋亞基哥上枱.直頭培聖開校以來第一人.查實[基哥精神,服務人群],應該攞Order of Canada.鵬少你真係估錯啦,小第細佬真係代我上過陣.是關我因形象問題,公司唔比我拍廣告,有廣告公司諗條屎橋,叫錦儀代我拍.之所以話世事無絕對,只有真情趣.至於手寫板小第義不容遲,一定會開口叫亞曾特首,帶我去老鴨買部[步步高]牌,表示我愛黨愛港.至於籌款節目真係Good Idea.咁好計,真係[有鵬哥,無甩拖].但係,節目名應該叫[錦禮泣泣照老培],未知鵬兄意下如何呢?
回上頁 | 主頁 | 搜尋
留言人: 吳基鵬
主題: re:re:re:re:re:re:晚飯
留言日期: 8/10/2005 3:38:00 AM
萬歲！萬歲！萬萬歲！
差的唔記得大人你係靠把口搵食o既添，小人又點講得過你呀！不過陳老師弟子三千，就算係要服其勞，老師都係先搵佢地，排隊有排都未輪到我啦。尤其係德基兄，一直企係最前綫，事無大小，一call即到，永冇甩拖。我住得遠，點同佢地比呀！重有，你都唔會搵令弟代你訪問曾特首架嗎－－雖然你地咁似樣。有的野係要自己親自做先至好玩o既，係咪？
一於手寫板啦！假如經濟係問題o既，貴台可以搞翻個乜野「培聖光輝照萬家」之類o既節目同大人你籌吓款，同時又可增加收視，一舉兩得。正呀！
回上頁 | 主頁 | 搜尋
留言人: Miss Chan
主題: re:re:re:re:re:re:re:晚飯
留言日期: 8/9/2005 3:04:00 PM
陳明生：
當年我也有一套「快快樂樂學倉頡」的軟件，暑假時間中練習，連那本同名的書也看了一篇，就是有些地方不明白，原因是它有些部首和我們平日用開的並不一樣。那三日課程，朝十晚五，老師教得十分明白，每教完某些部首便立即給我們一些練習去打，加上我我己有些基本認識，所以終於弄清楚我以往攪不通的地方。但一定要經常練習，否則一樣很快忘記，我兩個仔便是最佳例子。但無論如何，只要你懂倉頡，便一定同時懂速成。
Miss Chan
回上頁 | 主頁 | 搜尋
留言人: 老馮
主題: re:re:re:re:re:晚飯
留言日期: 8/9/2005 12:35:00 PM
鵬兄整隻絕章我上,明益我喎.查實我會醒條更絕嘅橋比陳夫子.我會話:亞夫子,有云:有事弟子服其勞.只要由夫子口述,即可叫小鵬代為打上網,不亦快哉.夫子定必撫鬚而嘆曰:知我者,莫若錦禮矣.鵬兄到時更加周身唔老黎.實無時間聽嫂夫人匯報小第報新聞之詳情.細佬訪溫之日,即鵬兄代打之時.如此吉日自當公告天下,與民同樂.欽此.
回上頁 | 主頁 | 搜尋
留言人: 陳明生
主題: re:re:re:re:re:re:晚飯
留言日期: 8/9/2005 7:57:00 AM
倉頡初面世，我已買了一本輸入法說明書。當年藍小姐遇到部首問題，也曾問我。可惜我只知方法和原則，沒有鍛煉技術，三十年後的今天，仍派不上用場。下次回港，抓機會去學。
回上頁 | 主頁 | 搜尋
留言人: 吳基鵬
主題: re:re:re:re:晚飯
留言日期: 8/9/2005 4:03:00 AM
馮兄搞事，醒條咁既絶世好橋俾我。你有冇讀過「又敬不違，勞而不怨」呀？咁百厭！咁冇耐性！小心陳老師有日在此突然出現，逐個點名，秋後算帳，罰你小息出門口企，你就知味道！我妻向我報告，你上星期四晚讀新聞時唔係好「老黎」，你知唔知個陣時陳老師講緊你呀？唔係你以為陳老師冇料到！
倉頡輸入法，真係一路學，一路鬧，又一路鬧，一路學。尤其是中文根底深厚如陳老師既，一定會鬧得更利害。冇乜理由個央字會係「中月大」而唔係「大月」呀！但佢又真係好快。
醒目既，呢次返香港，買塊手寫板番黎做手信，送俾老師個孫玩。老師已經做佐爺爺同外公啦！知冇？好牌黎架，上啦！
回上頁 | 主頁 | 搜尋
留言人: Miss Chan
主題: re:re:re:re:re:晚飯
留言日期: 8/9/2005 1:03:00 AM
幾年前我仍用手寫板，覺得很慢。一天，妹妹問我學校可有甚麼文件雖要打，她想練習。她告訴我她在亞皆老街一間商業學校學倉頡，三天畢業。於是我也報名，果然三天學懂。如是者我介紹我的弟婦、兒子和姪女去學。
陳明生，若然下次回港，可考慮去學倉頡，快很多。
Miss Chan
回上頁 | 主頁 | 搜尋
留言人: 馮錦禮
主題: re:re:re:re:晚飯
留言日期: 8/8/2005 10:47:00 AM
陳副校,你好.難得現時你仍然好學不倦.相比不少年青人有空閒亦不增值,有天淵之別.兩年前我任職的電視台所有新聞稿要用中文打字.當時我對此完全不曉,唯有硬著頭皮去學倉頡輸入.然後每一天規定打一篇稿.一個月之後已可掌握到基本技術.現時已可流暢使用.希望我小小經驗可同大家分享
回上頁 | 主頁 | 搜尋
留言人: 陳明生
主題: re:re:re:晚飯
留言日期: 8/8/2005 6:08:00 AM
我也是在這個月初才學用九方輸入法。很慢。幸好已退休，有的是時間。
回上頁 | 主頁 | 搜尋
留言人: 馮錦禮
主題: re:re:re:晚飯
留言日期: 8/8/2005 1:34:00 AM
基鵬兄,你大可以做夫子老師,教佢中文輸入法.日日要佢練習.然後又話咁都唔明,係咪無比心機.十足夫子以前教我地咁.過得一兩個禮拜之後,你先笑笑口同夫子講:[陳老師,查實安個手寫板咪得囉.].絕世好橋,不另收費,祈為笑納.
回上頁 | 主頁 | 搜尋
留言人: Ｍiss Chan
主題: re:re:晚飯
留言日期: 8/8/2005 12:49:00 AM
真希望陳樂生能加入接捧，但亦猜到他不懂中文輸入法，有甚麼簡易速成法？九方是不是最容易呢？我很多同事都用它。他現在這麼清閒，一於慫恿他學吧！
回上頁 | 主頁 | 搜尋
留言人: 陸國康
主題: re:晚飯
留言日期: 8/8/2005 12:27:00 AM
席間吳基鵬展示Note book上的培聖校友留言網，夫子看得入神，對黎俊光所提二三事有此回應「有咁既事」，卻言道不懂中文輸入，看來他也躍躍欲試，且待夫子出山。
回上頁 | 主頁 | 搜尋
留言人: 陸國康
主題: re:一場誤會
留言日期: 8/6/2005 7:01:00 PM
八月四日打開網頁, 一則來自謝德基校友的訊息, 溫哥華校友晚上於尖東酒樓有聚會, 到會的名單上赫然有陸定光的名字, 據我所知他在理大任教, 什麼時候也來了溫市? 是移民還是旅遊? 我一心就要去會他.
1981年我任職的公司臨倒閉, 陸定光任職公司是替我們提供膳食的供應商, 一天他來找我, 希望可透過關係先找欠款, 最終卻不得要領, 我一直為此事耿耿於懷, 從此再也沒有見過他. 後來有消息說去了澳洲繼續深造, 再後來又有消息說在理大任教, 2002年誠社三十週年聚餐, 我們幾個攪手撥盡了電話, 也無法聯絡上, 然而去年網上的培聖名人話題中, 見陸兄回應且留下電郵地址, 己將其資料列入通訊錄, 以備下次活動聯繫.
晚上到達尖東, 未見陸定光出現, 查其諉, 原來陳老師知陸國康在溫哥華, 卻把國康之名誤說為定光, 這是一場誤會.
回上頁 | 主頁 | 搜尋
留言人: 吳基鵬
主題: 晚飯
留言日期: 8/6/2005 6:59:00 AM
此晚盡是師兄輩，人人有意抱酒來。
陳老師姗姗來遲。
遲到，自罰三杯。
三杯通大道，一斗合自然。
德基兄嚷著：我要干炒牛河兜亂。
汾酒的汾字作何解? 汾指汾水。
一杯一杯復一杯, 三四五六七八杯。
馮錦禮甚麼時候來？要見他呀！
那為何叫汾酒？ 用汾水釀的酒就叫汾酒。
明月幾時有，把酒問青天。
酒好，餚亦佳。女待應來了，也不忘要吃吃她的豆腐。
德基兄嚷著：為甚麼不是干炒牛河兜亂。
這晚，人人盡興，興盡而歸。有某主席詞為証:
紅酒不怕開樽難 萬斗千杯只等閒
兩瓶汾酒騰細浪 雞泡魚干早食完
蛋白帶子炒飯暖 白酒冰鎮要其寒
更喜魚生冰裡雪 三樽過後盡開顏
回上頁 | 主頁 | 搜尋
|