| | 留言人: 隨風
主題: re:「班相」中尋人-有趣
留言日期: 3/11/2006 11:58:00 PM
梁老師也是我最敬重的老師。當年你與鄧老師做就各種不同體育教材，使60 年至70年代的大部份學生均達到智育並存，身体健壯，就算到了外國，亦可與老番較勁。如果你當年會到美國去發展，若當了那邊任何一所學校的教練，有如此成績早就上了美國體育名人榜，因為大家都知道美國教肓是非常注重體肓運動的。
回上頁 | 主頁 | 搜尋
留言人: 炮泉
主題: re:「班相」中尋人-有趣
留言日期: 3/11/2006 9:44:00 AM
這相是73-74年度，由於1972-78校刋中証明校刋刋出甲乙丙組籃球員獲獎後與校長合照，我與鍾嘉祥及校長同一衣着，可証是足球隊隊員，為什么校刋沒刋出？想當年為什么？
另一師生合照乃1973-74年度4x100M.R隊員，由左至右鍾嘉祥，羅慶輝，党家忠，廖國華，簫錠勇及梁玉泉。
另一張1973-74年度籃球丙組獲九龍區联賽季軍後與老師及助教合照，為什么要指出助教？由於當代頭頭不喜歡體育活動有成績，而我亦欲蛇王，故由高班學長担任帶隊及教練，高成個頭的學長是林兆權及鄧思田，結果亦能得联賽季軍。
再另一幅是73-74乒乓球甲乙丙隊合照，相內有周明燿，羅慶輝，楊增海，魯誠其他已忘記姓名，尤以座於左方最細小的一員，當年是打乒乓球的好手，但己記𣎴起其姓名。
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/11/2006 9:10:00 AM
九萬里,
坐我右手面係[何洛祥],花名[碌葛].中三移民加拿大卡加利.仲係當地著名女子排球教練.
另外,亞貓仔曾惠嚟咗多倫多,聽晚我地成班同屆培聖仔同佢食飯.
回上頁 | 主頁 | 搜尋
留言人: Miss Chan
主題: re:「班相」中尋人-有趣
留言日期: 3/11/2006 12:33:00 AM
真有趣！估不到這張「班相」會引起這麼多疑竇！其實這張相的正確年份應該是幾時呢？當日我見它是黑白相，加上鍾Sir的衣著打扮，從而推算年份，其實究竟是甚麼相我都不清楚。
講起乙丙組足球，有一年兩組都得到學界冠軍，對嗎？我記得當年有一份報紙曾經報導並訪問鍾Sir如何訓練學生。鍾Sir當年曾剪起該段報導，但現在已不知去向了。你們有印象嗎？
Miss Chan
回上頁 | 主頁 | 搜尋
留言人: Big Nose 1977
主題: re:「班相」中尋人
留言日期: 3/10/2006 7:21:00 PM
九萬里,
"係呀！係呀！佢係「蛇仔」余通僑呀！俾番把遮我呀！！" ... what is the story? I will be seeing 蛇仔」余通僑 tomorrow...let me know and I will help you out (at 10% commission)...okay?
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/10/2006 4:25:00 PM
係呀！係呀！佢係「蛇仔」余通僑呀！俾番把遮我呀！！
回上頁 | 主頁 | 搜尋
留言人: 炮泉
主題: re:「班相」中尋人
留言日期: 3/10/2006 4:25:00 PM
真的這幾幅相要從新定名，如能一一從相中認出姓名，可自我對照，感懷青春可貴。
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/10/2006 4:19:00 PM
睇嚟呢單案要發還重審，重新召集證人，同將案件重組至得啦。
回上頁 | 主頁 | 搜尋
留言人: Big Nose 1977
主題: re:「班相」中尋人
留言日期: 3/10/2006 11:03:00 AM
泉 Sir,
The picture contains quite a lot of the students who joinged Pui Shing in 1972. However, I somehow wonder if the picture was 足球乙丙組隊員 as I am not sure some of the students in the picture did represent Pui Shing football team.
Anyway, it is a wonderful picture.
郭楚昇 - he looked such a cute little boy at the time, and it is amazing that he is now at least 6 foot tall! Also, he was so quite and gentle at the time and it is even more amazing that he has become a police officer.
陳炳安 - his look hasn't really changed all that much.
余通僑 - he was in the second row, third to the right from 陳炳安. Standing next to 余通僑's right is 郭文康.
方松江 - the kid right behind 泉 Sir looks like 方松江, the football team's captain.
李寶榮 - the first kid on left front row is 李寶榮, the goal keeper of the football team.
簫錠勇 - I see a kid in the picture who resemble 簫錠勇 but not sure; after all, he is a couple of year older and if he was in the picture, then it makes sense to believe teh picture might well be for 足球乙丙組隊員
回上頁 | 主頁 | 搜尋
留言人: 炮泉
主題: re:「班相」中尋人
留言日期: 3/10/2006 9:16:00 AM
再小心觀察，正是足球乙丙組隊員，左上角是羅慶輝，上中帶眼鏡是簫錠勇，下右是郭楚昇，我右是陳炳安，馮氏兄弟是否座在我之左右？
回上頁 | 主頁 | 搜尋
留言人: 炮泉
主題: re:「班相」中尋人
留言日期: 3/10/2006 9:02:00 AM
這一定是足球隊乙丙組合攝，(你看郭楚昇這么細小)由於當時禮育已趨有成期，但可惜當代頭頭，謂你們奪取冠軍則造成這么多失敗者，實不應該，不應加勉而應責罸，這种見解真使我等為師者如何適從，由此我重用學生帶隊，但成績仍是可觀，無法。
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/10/2006 5:11:00 AM
馮兄：這句如何讀法主要看你心情。你老哥高興的話可把它讀成「...全國性嘅交易所」，有心搞事嘅就讀成「...全國”性”交易所」，讀那「性」字時要輕、慢一點，咬字時配以眉眼一拋，包保經驗老到如你拍檔何潔貞都會給你電到魂飛魄散。
坐在你側邊是誰？我真的不知道。可能有心人講得對，這張真的是球隊合照，並非班相，沒理由兩位體育老師坐在一起的。那是足球隊吧？
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/9/2006 12:12:00 AM
九萬里兄,
其實你都無答我個問題,究竟坐我右手面喺邊個?
講開文字運用,作為新聞主播都要小心中招.有一次讀財經稿,標題竟然是:[...研究將多倫多股市成為全國性交易所].九萬里兄,試問應該如何斷句讀出呢?唉.
回上頁 | 主頁 | 搜尋
留言人: 黎克
主題: 蹩腳中文
留言日期: 3/8/2006 1:14:00 PM
現下香港的中文滲入太多外來元素，英文的、日文的、自創的，若能調校出梁羽生水平的新派思維，可是大好事；但現實卻充斥着蹩腳中文。
我負首公司的H5N1應變小組，查詢衛生署網站，有這樣一個標題「香港流感大流行緊急應變措施」—推動禽流感潮流，端的創意無限。
記得上月實施禁止私養雞禽，新聞中的高官三番四次說要「撲殺」、「撲殺」，但處理過程卻斯文得緊，不見飛身撲殺場面，倒不如學學祖國，甚麼「嚴肅處理」、「抓緊力度」、「絕不手軟」才顯得心繫家國。
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/8/2006 7:44:00 AM
馮兄所講嘅長短期記憶問題，其實係同「人老」有關，唔一定要有「老人痴呆症」先有嘅。講開又講，你記唔記得三歲生日喺幾月幾號呀？重有記唔記得上兩個禮拜四嗰日一共飲左幾杯水呀？如果你記得前但又唔記得後嘅，咁睇嚟你都應該搵個醫生 check check 好啦。
講番張相，本來我睇到天山老老企喺你後面，點解你兩兄弟又會換左位架？真係神奇。點都好啦，睇番老老個樣，就知道乜野叫做「三歲定八十」，佢而家同以前都冇乜點變樣。當然老老睇到我咁寫，一定會話我「三歲定八十」中嘅「定」字或有岐義，究竟係解作「定係」還係「決定」呢？呢啲都係佢嘅職業病，冇得救架啦。我時常勸佢，唔好花咁多時間喺文字堆裏面，有時間嘅都想吓應該揀食肥雞餐還係肥鴿餐好過！新中國嘅文字，其實都冇乜再好講囉！
而家連特區都用埋「一次性」，隨街都係「一次性服務」、「一次性交易」。有次我喺《東方》定《太陽》見到有段新聞講用完即棄嘅手術用具，佢夠膽死叫嗰啲手術用具做「一次性器具」，唉！重有而家連特首都話鍾意「綑綁」，真係夠晒 SM feel。你話啦，咁嘅中文，老老重點「挽狂瀾於既倒」呀！
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/7/2006 11:04:00 AM
sorry,係長期記憶,唔係長期記者.大吉利是講自己添.
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/7/2006 11:03:00 AM
九萬里,
怕者你都有睇我上個禮拜五做嘅故仔.我訪問咗個老人科醫生.佢話若果短期記憶有問題.但係長期記者好好,例如記得認得啲中學同學貓樣.咁就叫[老人痴呆症].唉,勢估唔到,亞里哥哥咁早就.....唉.之不過,老實講我真係唔認得企我彼便個位四眼哥哥.反而阿儀後面就係天山姥姥.至於坐我隔離右面個位,你又知唔知係咩水.佢仲早過晒我地移民[萬稅之國]加拿大.
亞童兄,
恭喜你得除頑疾.你又唔使咁謙.差人都有好多種嘅.睇吓播交嚮樂比啲示威者鬆吓嘅,不知所謂高層.家吓咪做埋一哥.你咁眉精眼企.我睇好你.
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/6/2006 3:06:00 PM
其實冇野嘅，我同馮兄雖然做左幾十年同學，但係都冇乜機會交流，而家講番夠本啫。
馮兄如果認唔到企喺後面嗰位仁兄係邊個，咁又認唔認到最左上角嗰個係邊個呀？咪李佩安囉！李佩安個花名叫「村長」，係梁政元老師同佢改嘅，話佢係李家村村長，你又知唔知點解呀？
回上頁 | 主頁 | 搜尋
留言人: 老頑童
主題: re:「班相」中尋人
留言日期: 3/6/2006 11:14:00 AM
喂! 倆位兄弟, 真係唔好意思, 攪到你倆個有牙齒印, 反反聲, 不如玩玩吓仲好啦.
我呢個唔係奇難雜症, 頑童自己攪掂咗喇, 可以走去睇吓DIY-HiFi 留言你就會明白㗎喇.
阿禮兄:
我唔係喺差館做㗎, 如果係就唔駛咁笨頭笨腦兩頭望喇. 不過你出書我就一定第一個捧場. 但係九萬里都幾有道理噃, 似乎冇乜料俾你爆喎.
九萬里兄:
我相信阿禮係想借個台嚟宣傳, 好似明星咁要出位一樣, 喺佢哋個社團簡訊度登一登, 彼邦嘅培聖仔睇電視睇到之後就一定埋堆喇. 都幾好橋噃. 係咪?
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/5/2006 4:54:00 PM
老頑童兄：佢兩兄弟用個樣貎嚟擾亂視聽，你分唔到應該向佢地兩個投訴，而唔係我。俾人家識別佢地嘅樣，係佢地嘅責任。佢地可以一個戴左邊耳環，一個戴右邊。咁咪易認囉！
至於馮兄話要爆料，我睇完張「班相」先記得，個張應該係「一德」嘅班相。我好似未同過你同班個噃！雖然同級，但事實我同你真係三九唔識七，從未相識，又點有料爆呢？哦！不過我都明白嘅，你地「造」新聞嘅，有乜「造」唔出呀！睇嚟呢啲唔係「反九」，而係「九反」，重聯絡埋社團。老頑童兄，你唔好聽佢講呀！
馮兄：我勸你都係乖啲，唔好搞事，你再睇吓張「班相」，邊個企喺你後面？小心呀！
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/5/2006 9:59:00 AM
亞童兄,
九萬里整餅,攪到大哥你身染奇疾.我建議你發起[反九],[倒九]行動.細佬一定喺社團簡報向各界呼籲.之不過何解亞童兄咁得閒去認我兩兄弟呢?睇怕童兄梗係喺差館做拚圖啦.
九萬里兄,
有咩霸咭都無用,精嘅就快啲嚟加東比掩口費.如果唔係,咪怪細佬喺本書度爆你啲好事出嚟.怕未!
坦白從寬,抗拒從嚴呀,里兄.
回上頁 | 主頁 | 搜尋
留言人: 老頑童
主題: re:「班相」中尋人
留言日期: 3/5/2006 6:17:00 AM
呢兩日頭都爆哂! 成日諗起阿禮同阿儀兩兄弟個樣. 連發夢都冇走雞.
都喺九萬里好帶協, 出條咁嘅問題, 等我果晚喺兩部電腦嘅螢光幕面前望吓左又望吓右, 比較吓佢哋兩個孖仔喺相片共賞所有登載嘅相有邊一弗唔同. 足之望咗成晚先搵到兩個啲眼神有啲唔同. 不過就染咗涸咁嘅後遺症.
今日見到Miss Chan 登咗老師們的四八/四美相, 而家驚驚哋, 求神拜佛, 望佢唔好出同一嘅問題, 喺某張群芳譜相中尋找四美, 如果唔喺, 我嘅後遺症就真喺不堪切想了.(一笑)
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/4/2006 12:59:00 PM
喂！馮兄，我又唔係同你做緊訪問，又唔係要你減稅，唔駛好似唐唐咁語無倫噃！祖國地大物博，多奇珍異寶，幾時要到你效力呢！唔駛驚，有你係度，我唔會 cut 你個中文台住既。不過要執書，就唔好搵我啦，我已經幫襯你老板攞咗張「超霸咭」啦。點會執輸呢？梗係！
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/4/2006 11:08:00 AM
你有所不知啦.一來我又唔似無記[靚仔榮]咁,比人豉椒炒.二來訪問果陣成日得罪啲領導人
事關佢地係咁問我點解移民,點解唔為祖國效力呀.真係問到我火都嚟埋.唔通同佢講89年我驚到無鞋挽屣走咩.咁你話啦,亞里哥哥,我一出書咪實比人定性做反咩反物.你當我真係錦鋰咁[魚]咩.話晒都培聖畢業仲同你同屆添.
嗱,穩陣起見都係寫[培聖足球血淚史]吧啦.
各位師兄,師弟同師妹.唔該快手落訂.唔係遲啲就一定執書啦.
回上頁 | 主頁 | 搜尋
留言人: 有心人
主題: re:「班相」中尋人
留言日期: 3/4/2006 10:20:00 AM
皺皮陳炳安，其實花名多多，他在港隊時任隊長，也擔任清道夫一職，有他在陣，後防就穩如泰山，故有安全隊長稱號，他又膂力過人，界外球可從邊線擲至球門口，故又有大力神君雅號，泉叔謂是打籃球時尚快攻，是日子有功所致，回看所謂「班相｣，其實是各組球隊之合照，想不到身材高大的皺皮，當時祇是細細粒粒。
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/4/2006 9:21:00 AM
咁我又唔明啦，而家嗰啲新聞主播時興寫番本自傳講俾人聽佢地「造」新聞「造」得點樣辛苦同剌激。照計你寫書都應該寫番本乜野《金牌主播一天的生涯》或者
《馮錦禮眼中的國家領袖》諸而此類嘅書格，冇理由會出本《培聖足球血淚史》個噃！
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/4/2006 8:04:00 AM
九萬里兄,
舊時同陳炳安一齊打校隊,比波佢都睇唔到.仲唔叫佢[盲炳]就奇啦.之所以我叫佢就好地地,你地叫就比佢打崩個鼻.我仲笑亞盲炳,大個做咩都得,千祈咪做足球員.因為佢咁盲,輪到我都未到佢.唉,點知可能由於我嘅激勵,陳炳安唔知做咗球星,仲係香港足球先生添.直頭[足球少將]真人版.怕者遲D我要寫番本[培聖足球血淚史]啦.
回上頁 | 主頁 | 搜尋
留言人: 九萬里
主題: re:「班相」中尋人
留言日期: 3/4/2006 3:27:00 AM
老頑童：71-72年都唔係好老啫。選十大傑出青年都可能未夠年齡，曾 Sir 都成 60 先做特首啦。唔駛咁嚟觸動我地啲咁敏感嘅神經喎！不過我真係服咗你，張相咁細，你點睇到邊個係亞禮，邊個係亞儀呢？其實我都分唔到。
錦禮兄講出「盲炳」個花名，我就唔敢講啦。陳永康最鍾意同佢作對，叫佢「盲炳」，陳炳安聽到就追住佢打；然後陳永康扮盲公，反起眼作狀用支盲公竹行路，又被佢追住嚟打；再然後陳永康特登大聲唸：「寧可食無肉，不可居無”竹”」，未唸完陳炳安已追上嚟。好似阿Q咁唔准人講個「光」字一樣，好好玩。
回上頁 | 主頁 | 搜尋
留言人: 老頑童
主題: re:「班相」中尋人
留言日期: 3/3/2006 12:26:00 PM
同71,72班老鬼, 由大狗溝通到現在, 熟到透.
不用開聲, 九萬里會告訴我DIY的.
回上頁 | 主頁 | 搜尋
留言人: 老馮
主題: re:「班相」中尋人
留言日期: 3/3/2006 11:35:00 AM
頑童兄,真精靈.一點你就明.
但係,咩解究你會咁熟72年班馬騮嘅,唔通你係.....
話時話,亞童兄請聯絡九萬里兄攞獎品.
回上頁 | 主頁 | 搜尋
留言人: 老頑童
主題: re:「班相」中尋人
留言日期: 3/3/2006 11:20:00 AM
多謝指點迷津, 是否梁Sir 和你弟弟之間那一位?
回上頁 | 主頁 | 搜尋
留言人: 馮錦禮
主題: re:「班相」中尋人
留言日期: 3/3/2006 10:54:00 AM
呀頑童兄,
你真係好眼光,我兩兄弟個貓樣你咁都認得出.
之但係,[盲炳]你就認錯啦.比D貼士你啦,係我兩兄弟嘅左鄰右里.答中有九萬里兄增送嘅,溫哥華[海場公園]飛連食宿包機場接送.
回上頁 | 主頁 | 搜尋
留言人: 老頑童
主題: re:「班相」中尋人
留言日期: 3/3/2006 10:14:00 AM
知道獎品實冇航, 不管也一試.
前排左四馮錦禮, 前排右四馮錦儀, 後排左七陳炳安.
回上頁 | 主頁 | 搜尋
留言人: 九萬里
主題: 「班相」中尋人
留言日期: 3/3/2006 4:04:00 AM
Miss Chan 貼了幾張「班相」。你們有誰可在其中找到陳炳安和馮氏孖兄弟（馮錦禮和馮錦儀）？找到的叫馮氏兄弟送你兩張「敵視你」入埸卷啦！
回上頁 | 主頁 | 搜尋
|